109 學年度下學期 臺南市新營區新泰國小附設幼兒園母語教學

配合晨光時間教學2-3週至少學習一首台語兒歌

幼 1班

 1 人客來-唸謠 過年過年 囡仔人上歡喜 新衫穿甲媠媠媠 納袋仔袋甲滇滇滇 (滿) 袋啥物? 糖仔餅仔喙食物 (零食) 哲(壓)年的紅包紅記記 我欲儉起來飼大豬

2 紅龜粿 紅龜粿 緊來買 毛蟹走去買一塊 用交刀 交兩塊 一塊送田螺一塊送草蝦

3 大近視 大近視看尪仔冊 ，行路去撞到一個老阿伯， 真失禮，唉喲 真歹勢，我真正毋是故意的。 大近視看尪仔冊 ，愈看愈入迷， 無小心去撞到電火柱 ， 摔一下紅龜粿

4 十二生肖 一鼠，賊仔名，(mia5) 二牛，駛犁兄，(hiaN) 三虎，爬山崎，(kia7) 四兔，遊東京，(kiaN) 五龍，皇帝命，(mia7) 六蛇，互人驚，(kiaN) 七馬，跑兵營，(iaN5) 八羊，食草嶺，(nia) 九猴，爬樹頭，(thau5) 十雞，啼三聲，(siaN) 十一狗，顧門埕。 十二豬，菜刀命。(mia7)

5 坐飛機 坐飛機，看天頂； 坐大船，看海湧； 坐火車，看風景；坐公車，錢卡省； 坐牛車，順續挽龍眼。

6 狗蟻 狗蟻狗蟻真厲害 好食的物件伊攏知 逐家相招同齊來 認真搬轉去伊厝內 7 一放雞 一放雞，二放鴨，三分開，四做堆，五搭 胸，六拍手、七圍牆，八摸鼻，九揪耳，十 抾起

幼 2 班

1 紅龜粿 紅龜粿 紅龜粿 緊來買 毛蟹走去買一塊 用交刀 交兩塊 一塊送田螺一塊送草蝦

2 大近視 大近視看尪仔冊 ， 行路去撞到一個老阿伯， 真失禮，唉喲 真歹勢 ， 我真正毋是故意的。 大近視看尪仔冊 ，愈看愈入迷， 無小心去撞到電火柱 ， 摔一下紅龜粿。

3 猜拳歌 鐕仔 鉸刀 石頭仔紙 柑仔一斤兩箍半 兩仙尪仔舉一支雨傘 誰輸誰贏予你看。

4 坐飛機 坐飛機 坐飛機,看天頂, 坐大船,看海湧 坐火車,看風景 坐公車,錢卡省 坐牛車,順續挽龍眼

5 狗蟻 狗蟻 狗蟻狗蟻真厲害 好食的物件伊攏 知 逐家相招同齊來 認真搬轉去因厝內

6. 水雞仔子 水雞仔子 ㄍㄨㄚ ㄍㄨㄚ ㄍㄨㄚ 伊出 世嘛是肚大大 田中央 起厝住 無人教伊 會唱歌 ㄍㄨㄚ ㄍㄨㄚ ㄍㄨㄚ